E Marke
Vo Basel – für Basel
Unseri Vision isch es, mit der Marke „Mir sin Basel“ e Zeiche vo Identifikation und Zämmehalt z'setze. Mir wänn e Marke schaffe, wo mit Stolz und Freud dreit wird und d Lüt vo Basel zämmebringt.
Unseri Philosophie
D'Grundsätz, wo mir verfolge
Gmeinschaft
Gmeinschaft ischs Härzstuck vo „Mir sin Basel“. Mir glaube fescht dra, dass wohri Sterki usem Zämmehalt vo verschiedene Menschen kunnt. Unseri Marke stoht für e starki Verbundenheit innerhalb vo der Basler Bevölkerig, egal vo wo me kunnt oder weli Kultur me het. Dur unseri Aktivitäte und Initiative wän mir eine Plattform biete, wo dr Usdusch unds Mitenander voraabringt.
Stolz
Mit „Mir sin Basel“ wän mir dr Stolz uf unseri Stadt und ihri Einzigartigkeit in Vordergrund stelle. Jedi Kollektion und jedes Design isch e Usdrugg vo unserer Liebi zu Basel. Mir wän, dass d Lüt, wo unseri Kleider aahän, das Gfühl vo Verbundeheit und Stolz witerdrääge. Unseri Marke sött es Symbol für die positive Identifikation mit Basel sii.
Authentizität
Authentizität heisst für uns, dass mir unsere Wurzle und Wärt treu blyybe. Mir wän unsere Produktion langfristig ind Region Basel verlagere, zum d'Nöchi zu unserer Heimatstadt betone. Jedes vo unsere Produggt söll die ächti Basler Läbensart widerspiegle und mit höchste Qualitätsstandards härgstellt wärde. Authentizität isch für uns meh als es Schlagwort – es isch unsers Verspräche an unseri Kunde.
Bescheideheit
Bescheideheit isch e zentrale Wärt vo „Mir sin Basel“. Mir glaube draa, dass wohri Grössi oft indr Einfachheit und em Respäggt zu andere liggt. Unseri Designs und Botschaften sölle die Bescheideheit widerspiegle, indäm sie uf protzigi Elemänt düen verzichte und derfür uf subtili, aber bedütendi Details setzen. Dur unseri Arbet wän mir vermittle, dass wohri Wärtschetzig und Erfolg aus emne bescheidene und ehrliche Ansatz könne entstoh.
Vielfalt
Vielfalt isch eini vo de grösste Stärke vo Basel und duet sich in unserer Marke widerspiegle. Wir fyyre die unterschiedliche Kulturen, Sprooche und Tradizione, wu unseri Stadt so lebändig und einzigartig mache. Unseri Kollektione sin inspiriert vo däre kulturelle Vielfalt und sölle d Schönheit und Einzigartigkeit vo jedere einzelne Gruppe hervorhebe. Dur unseri Marke wän mir d'Botschaft verbreite, dass jedi Kultur und jede Mensch e wärtvolle Byydrag zu unserer Gmeinschafft dued leischte.
Flexibilität
Kleider sölle dreit wärde! Unseri Marke stoht für Kleider, wo yyberall dreit wärde könne. Egal ob in der beläbte Innenstadt vo Basel, imene kleine Dorf in de Alpe oder in Grossstädt uf der ganze Wält (und äu in Züri!) – unseri Designs sin villsitig und funktional. Mir legge grosse Wärt druff, dass unseri Kleider immer bequem, stilvoll und passend sin, egal zu welere Glägeheit. Unsers Ziel ischs, Kleider z mache, die Mensche verbinde und ihne s Gfühl gäbe, yyberall dehei z'sii.